Statusi i naftëtarit, Gjiknuri: Janë miratuar nga komisioni 1 mijë aplikimet e para

Ministria e Infrastrukturës dhe Energjisë garanton se do ti trajtojë me shpejtësi dosjet për statusin e naftëtarit.

Gjatë një takimi në Fier, ministri Damian Gjiknuri janë miratuar tashmë nga komisioni përkatës 1 mijë aplikimet e para, teksa shpëndau për disa nga naftëtarët dëshminë e Statusit.

Damian Gjiknuri: “Qeveria, këtu në Fier miratoi edhe një shtesë personeli për ministrinë, të dedikuar vetëm për përpunimin e dosjeve për Statusin e Naftëtarit. Pra, do të ketë punonjës shtesë në ministri për ti trajtuar këto kërkesa më shpejt.  Ne duam, dhe në fund të fundit ky është edhe dallimi i qeverisë sonë, ti japim prioritet naftëtarëve dhe patjetër duhet të jenë të parët që duhet të trajtohen me një pension të posaçëm nga shteti.”

Përsa i përket fenomenit të lëkundjeve në Zharrëzës, ministri garantoi se kompania Bankers Petroleum do të japë pjesën e saj të kontributit financiar për riparimin e dëmeve.

Damian Gjiknuri: “Kemi arritur dhe me kompaninë Bankers që duhet të jepte pjesën e saj, do të krijohet ai fond si kontribut që do të dorëzohet shumë shpejt tek Emergjencat Civile. Ne do të verifikojmë, sepse është dhënë pjesa e parë dhe pjesa e tjetër që do të vazhdojë do të shkojë për merimetimin e shtëpive.”

Qeveria është gjithashtu në bisedime me kompaninë që të ketë dhe një policë sigurimi e cila të japë zgjidhje edhe situatave eventuale pa rënduar Buxhetin e Shtetit.