Jazexhi: Roli i lëvizjes Hizmet në Turqi

Historiani Olsi Jazexhi i ftuar në emisionin “Arena” nga Dritan Hila në Ora News, sqaroi çfarë ka ndodhur në Turqi përgjatë dekadave të fundit dhe rolin e lëvizjes “Hizmet” atje.

Jazexhi: Turqit nuk ishin të kënaqur me regjimin laik. Revolucioni që bëri Ataturku dhe krijimin e shtetit modern ishte një përplasje midis “turqve të bardhë” nga Ballkani dhe turqve të “zinj” nga Anadolli. Rrymat që erdhën nga Ballkani nuk i shikonin si turq të vërtetë. Një sërë rrymash fetare janë përpjekur gjatë gjithë shekullit 20 ta ndryshojnë regjimin në Turqi. Lëvizja Hizmet ka qenë një nga rrymat më të suksesshme që rrjedh nga dijetari i madh turk Said Nursi dhe kjo synonte që ta rrëzonte shtetin laik turk. Filozofia e gylenistëve është që të përgatisim njerëz të ditur dhe të zgjuar dhe të kapnim shtetin nga brenda. Gylenizmi shkoi paralel me erbakanizmin. Nexhmedin Erbakan duke mobiluzuar tarikatet sidomos Nakshibendi arriti të themelojë një lëvizje shumë të fuqishme arriti të rrëzojë sistemin laik turk. Ai arriti të bëhej edhe kryeministër.