Shtohet “hallet” në Kombëtare, dëmtohet futbollisti më në formë

Shtohen hallet për Kristian Panuçin në Kombëtare. Listës së gjatë të dëmtimeve sot u është shtuar edhe Eros Grezda. Sulmuesi më në formë te kuqezinjtë është dëmtuar në minutën 35-të në ndeshjen mes Lokomotivës së Zagrebit dhe Osijekut që përfundoi me rezultatin 1-1.

Ai ka dalë nga fusha i dëmtuar. Në ndeshjen me Norvegjinë, Grezda ishte nga më të mirët në fushë për tanët, teksa shpresohet që ai të jetë gati për miqësoren që kuqezinjtë tanë do të luajnë në muajin maj.