Idrizi: Janë zgjidhur vetëm problemet e Greqisë me ne, por jo tonat me të

“Studio e hapur” sjell në ekranin e News24 sonte një nga çështjet e nxehta të momentit, ajo e bisedimeve mes Shqipërisë dhe Greqisë, marrëveshjen e detit, çështjen çame etj. Kreu i PDIU-së Shpëtim Idrizi i ftuar në këtë emision tha se nuk ka dijeni më shumë për bisedimet se sa ajo që di publiku, por tha se çështja çame nuk mund të evitohet dhe se për të ka disa dokumente, mes tyre një rezolutë të parlamentit. Megjithatë Idrizi u shpreh se deri tani sipas tij janë zgjidhur vetëm problemet e Greqisë nga bisedimet në Kretë dhe në Korçë.

Ju sa informacion keni për negociatata Shqipëri-Greqi?

Besoj që përtej çështjes çame janë edhe shumë çështje të tjera. Kam po aq dijeni sa keni ju. Di që zoti Bushati në mënyrë të përsëritur tha që ne po i diskutojmë të gjitha çështjet. Ka një shqetësim të madh të opinionit publik sepse Kotzias ka deklaruar që çështja çame nuk është diskutuar apo që palët kanë rënë dakord që të shtyhet me 12 milje kufiri detar. Diçka mund ta them që është një diskutim publik i pazakontë i ministrit të jashtëm të Shqipërisë, që ndërkohë që nuk thotë gjë për opinionin publik shqiptar, direkt kemi Kotzias që shqetëson opinionin me deklaratat e tij. Ne e dimë që për herë të parë qeveria shqiptare ka një listë problematike me Greqinë po deri sot kemi parë që kanë avancuar vetëm problemet që ka pasur Greqia me Shqipërinë, toponimet, ligji për varrezat, për minoritetet.

Keni një reagim për deklaratat e presisdentit grek për çështjen çame?

Çudi që një vend i BE-së të shprehet në këtë mënyrë. Presidenti grek është shprehur në mënyrë të përsëritur, e katërta herë. Më duhet të kujtoj faktin që kam pritur disa herë që autoritetet shqiptare t’i japin një përgjigje pres të Greqisë. Në tre rastet e para askush nuk i ka dhënë përgjigje.

Çfarë i konsideroni këto deklarata të presidentit grek?

Është president i një vendi që nuk është kampion për të drejtat e njeriut.

A hedh dritë mbi negociatat?
Jam i prirur të fokusohem në disa elementë. E para që çështja çame bashkë me çështjet e tjera, nuk është çështje që mund ta marrë apo lërë kushdo si të dojë. Janë disa dokumente udhërrëfyes që askush nuk mund t’i tejkalojë apo rezoluta çame. Çështja e çamëve të Çamërisë është e mbështetur mbi dokumente.

Sipas jush këto deklarata mbi çështjen çame, cila është e vërteta? Kush po e bën lojën?

Verbi publik që kanë zgjedhur nuk është korrekt. Nuk e di çfarë është biseduar në ato 3 ditë në Kretë dhe në Korçë por jam i prirur të besoj që ministri i jashtëm duhet të ketë kryer detyrimin kushtetues.