Obeziteti, meshkujt që hanë vetëm janë më të rrezikuar

Një hulumtim korean nxjerr në pah një predispozitë më të madhe për të zhvilluar hipertensionin dhe kolesterolin e lartë

Meshkujt që hanë vetëm kanë një rrezik 45% më të madh të zhvillimit të obezitetit, sipas një studimi nga Universiteti i Dongguk, në Korenë e Jugut, botuar në Hulumtim Obesity & Praktika Klinike. Sipas ekspertëve, “njerëzit që hanë vetëm kanë më shumë gjasa të zhvillojnë hipertensionin dhe kolesterolin e lartë”. Pasojat u gjetën edhe tek gratë, “por në popullatën meshkuj të dhënat janë më tepër  shqetësuese”.

Studimi analizoi mbi 7,700 të rritur, të cilët u pyetën se sa shpesh hanë vetëm. “Nga hulumtimi u vu re një ndryshim thelbësor ndërmjet njerëzve të vetëm dhe të bashkuar ose midis atyre që shpesh hanë vetëm dhe atyre që nuk e bëjnë këtë gjë. Individët që konsumojnë vaktin në vetmi kanë më shumë prirje për të ngrënë dhe rrjedhimisht mund të jenë subjekt i sëmundjeve “, theksojnë shkencëtarët.

Hulumtimet gjithashtu kanë tërhequr vëmendjen ndaj shanseve të meshkujve për zhvillimin e sëmundjeve të tilla si sindroma metabolike (rreth 64%). “Përkundrazi, gratë që hanë vetëm kanë vetëm 29% mundësi për ta zhvilluar atë: kjo është për shkak se popullata e meshkujve është më e prekshme ndaj kësaj sëmundjeje”.

Uji është një aleat i çmuar – Sipas hulumtuesve, “hidratimi i duhur është thelbësor jo vetëm kur flasim për sasinë e duhur të ushqimit për të ngrënë, por edhe për të ruajtur shëndetin e përgjithshëm të trupit”. Sipas një studimi të kohëve të fundit nga Universiteti i Miçiganit, pirja e ujit para ngrënies ju lejon të ndiheni më pak të uritur dhe në të njëjtën kohë zvogëlon rrezikun e sëmundjeve.