Nishani: Kandidatët për kryeprokuror të mos sakrifikojnë veten

Ish-Presidenti, Bujar Nishani ka komentuar për Report TV ngërçin e krijuar mes mazhorancës dhe opozitës lidhur me zgjedhjen e Prokurorit të Përgjithshëm të Përkohshëm.

Ish-kreu i Shtetit thotë se kryeprokurorit Llalla i ka përfunduar mandati, ndërsa shton se Partia Socialiste duhet të respektojë Kushtetutën. Nishani komenton edhe zvarritjen e zbatimit të reformës në drejtësi.

“Nëse mazhoranca ka vendosur të injorojë kushtetutën duke e shkelur përmes akteve të njëanshme politike, natyrisht që ato janë të pavlefshme. Nuk besoj se do të ketë ndonjë individ që do sakrifikoj veten në raport me ligjin për të marrë në një moment të caktuar barrën e një synimi politik të një mazhorance, një partie kushdo qoftë ai,”shpjegoj Bujar Nishani.