VIDEO/ Barça largohet nga La Liga? Sergio Ramos i befason të gjithë me këtë përgjigje

Kapiteni i Real Madridit, Sergio Ramos nuk dëshiron që Barcelona të largohet nga La Liga.

Gjatë një interviste për “El Transistor” në Onda Cero, mbrojtësi spanjoll befasoi të gjithë duke theksuar se largimi i Barcelonës do të ishte humbje e madhe, shkruan e përditshmja spanjolle “AS”, raporton SYRI.net.

“Unë preferoj që Barcelona të jetë në ligën tonë. Do ishte një humbje e madhe nëse do të largohej…”, tha ai.

Nëse Katalunja shpall pavarësinë atëherë Barcelona do të detyrohet drejt një lige tjetër evropiane pasi më parë Federata Spanjolle ka njoftuar se nuk do të ketë më vend për ekipet katalunase. / Oldi Mele