Kërkohet ndihmë – Vatra aktive zjarri në Finiq, rrezikohen banesa

Zjarri vijon të kërcënoj shtëpitë dhe banorët në jug të vendit. Në Finiq, janë aktive dy vatra zjarri dhe flakët vijojnë të përhapen në fshatin Kakodhiq dhe Dhrovjan.

Kryetari i Bashkisë së Finqit, Leonidha Kristo tha se situata është në kushte emergjence dhe në Dhrovjan zjarri ka dalë jashtë kontrollit. Në këtë zonë janë bërë ndërhyrjet nga ajri nga dy avionë grek, por pavarësisht kësaj deri më tani janë djegur rreth 500 ha tokë dhe po rrezikohen shtëpitë

Leonidha Kristo: Me forcat tona kemi përballuar situatën e deritanishme, por zjarri ka marrë përmasa të mëdha e ka dalë jashtë kontrollit. Sot në orën 06:00 kanë ardhur dy avionë nga pala greke, kanë bërë 4 hedhje. Jemi në kontakt me shërbimet për të kërkuar kthimin sërish të tyre për ndihmë. Jemi në pritje të një mjeti zjarrfikës nga Athina.

Kryetari i Bashkisë Finiq Leonidha Kristo tha se bashkia e ka strukturën e shërbimit të zjarrëfikëses por nuk ka mjete. Ai ka kërkuar ndihmën të autoriteeve të Athinës, dhe u shpreh se së shpjeti ky shërbim do të pajiset me logjistikë.