Frika, 137 ushtarë të ISIS janë nisur për “sulme hakmarrëse”

Forcat aleate janë duke korrur fitore në fushën e betejes kundër ISIS në Siri dhe Irak, por informacione të publikuara së fundmi nga media britanike kanë rikthyer frikën në Europë.

Duke iu referuar burimeve nga shërbimet sekrete, thuhet se ISIS është duke përgatitur sulme hakmarrëse ndaj vendeve të Europës të angazhuara në luftën kundër tij në Siri dhe Irak.

Mësohet se janë rreth 140 terroristë që kanë filluar udhëtimin e tyre për në Europë me qëllim përgatitjen e sulmeve hakmarrëse për humbjen në Irak dhe Siri.