Zgjedhjet në Kosovë, reagon Mustafa: Mbizotëroi zëri i kundërshtimit

Nëpërmjet një statusi në profilin e tij në “Facebook”, ish-kryeministri dhe kryetari i LDK-së Isa Mustafa ka pranuar në mënyrë indirekte rezultatin e zgjedhjeve në Kosovë.

Ai shkruan se LDK do të reflektojë në ditët në vijim, në interes të anëtarësisë dhe qytetarëve. Gjithashtu në postimin e tij, Mustafa ka thënë që fushata e LDK-së ishte dinjitoze.

Statusi i plotë i Isa Mustafës:

Të nderuar qytetarë, ju e dhatë vendimin tuaj në këto zgjedhje. Mbi të gjitha mbizotëroi zëri i kundërshtimit.

LDK në ditët në vijim do të analizojë dhe vlerësojë rezultatet e zgjedhjeve dhe do të reflektojmë në interes të anëtarësisë dhe të qytetarëve.

Vendimin do ta marrim edhe me deputetët pas certifikimit të rezultateve si dhe me partnerët e koalicionit.

Falenderoj të gjithë ata që ia dhanë besimin koalicionit tonë dhe kandidatit për Kryeministër, prof, Avdullah Hotit, i cili bëri një fushatë dinjitoze në të gjitha fushat.