10 këshilla si të luftojmë jetën sedentare, stresin dhe obezitetin

Jeta sedentare është kthyer në vrasësin e heshtur të kohëve moderne. Teknologjia dhe telekomunikaconi, gjithmonë e më shumë po bëjnë që barrierat fizike të shuhen e nga ana tjetër, në të kryejmë gjithmonë e më pak lëvizje.

Sipas studiuesve, jeta sedentare, stresi por edhe obeziteti janë sot ndër shkaktarët kryesore për shfaqjen e një sërë sëmundjeve kronike të cilat duket se po kthehen në epidemi për njerëzit në gjithë botën.

Të gjendur përballë këtyre fakteve, ekspertët e shëndetit kanë renditur 10 këshilla kryesore për ndryshimin e jetesës të cilat sjellin një shëndet më të mire tek të gjithë.

1.Mbani një peshë të shëndetshme – vetëm duke vepruar në këtë mënyrë ju do të ulni presionin e lartë të gjakut.

2.Kryeni aktivitet fizik rreth 150 minuta në javë, të shpërndarë në ditët e javës. Në mënyrë që stërvitja të jetë e vlefshme, ju duhet të ndiheni më të ngrohtë, me frymëmarrje më të shpeshtë, dhe zemra duhet t’ju rrahë më fort se normalisht.

3.Ushqehuni me sa më shumë fruta dhe zarzavate çdo ditë – konsumojini ato më mirë të gjalla ose lehtësisht të pjekura sesa të ziera, për të marrë maksimumin e lëndëve ushqyese; shmangni ushqimet e skuqura.

4.Përdorni sa më pak kripë në ushqimet tuaja – mos harroni sasinë e madhe të kripës që ndodhet në ushqimet e përpunuara, bukë dhe drithëra, prandaj lexoni gjithmonë etiketat.

5.Përdorni sa më pak yndyrë dhe sheqer – kontrolloni gjithmonë etiketën dhe jini veçanërisht të kujdesshëm ndaj yndyrnave të hidrogjenizuara dhe sheqernave “të fshehura”, si zaharoza, dekstroza, fruktoza dhe glukoza.

6.Mos pini duhan – ai bllokon arteriet më shpejt, dhe shkakton shumë probleme të tjera shëndetësore.

7.Reduktoni sasinë e kafeinës që konsumoni – mbani mend, kafeina gjendet në pijet e gazuara si dhe ato energjike, si dhe në kafe dhe çaj.

8.Mos pini shumë alkool – respektoni rekomandimet e konsumit ditor të alkoolit.

9.Shtoni sa më shumë panxhar dhe lëng panxhari në dietën tuaj – ata janë veçanërisht të dobishëm për uljen e presionit të gjakut.

10.Përpiquni të rehatoheni – stresi mund të kontribuojë në ngritjen e presionit të gjakut, prandaj përpiquni ta shmangni atë nëse është e mundur