Deklaratat e Ramës, Kocijancic: Të ruhen raportet me fqinjët

0

Pas deklaratave të një dite më parë të kryeministrit Edi Rama se nëse BE mbyll dyert, Shqipëria do të bashkohet me Kosovën ka reaguar zëdhënësja e Komisionit Evropian, Maja Kocijancic.

E pyetur nga gazeta serbe “Blic”, Kocijancic u shpreh se është shumë e rëndësishme ruajtja e marrëdhënieve të mira fqinjësore.

Sipas saj, vendet që aspirojnë integrimin në BE është shumë e rëndësishme të kenë një fqinjësi të mirë dhe bashkëpunim me vendet e tjera të rajonit.

“Sic kemi konfirmuar rajoni i Ballkanit Perëndimor ka një të ardhme të qartë evropiane. Për të arritur këtë qëllim ne bashkëpunojmë me të gjithë partnerët në rajon pa u larguar nga parimi i pajtimit dhe bashkëpunimit rajonal”, tha Kocijancic.

Çdo formë e ndikimit politik, theksoi ajo, është e dëmshme për konsolidimin e marrëdhënieve të mira fqinjësore.

Rama: Nëse BE mbyll dyert, bashkohemi me Kosovën
Kryeministri Edi Rama në një intervistë për ‘Politico.eu’ ka folur për situatën në Ballkan, bashkimin e mundshëm me Kosovën, por edhe integrimin në BE, si rruga e vetme që rajoni të jetë i qetë.Rama ka deklaruar se bashkimi i Shqipërisë me Kosovën nuk mund të përjashtohet nëse prespektiva për anëtarësimin e Ballkanit në BE venitet.

I pyetur nëse aktualisht e ka në tavolinë opsionin e bashkimit me Kosovën, Rama u shpreh se Jo, sepse mënyra e vetme për të mbajtur Ballkanin në paqe dhe bashkëpunim është- që të të jetë shtegu i hapur për BE për të pasur një perspektivë të qartë, për të mbajtur emocionin pozitiv për BE-në.