Plagoset me armë zjarri një person në kryeqytet

0

Një plagosje me armë zjarri ka ndodhur mbrëmjen e sotme rreth orës 20:20, në zonën e Kinostudios në kryeqytet.

Sipas policisë, kanë qenë dy persona, identiteti i të cilëve ende nuk dihet, që kanë qëlluar me armë një person me iniciale E. D, duke e plagosur në krah. Ai u dërgua në S.Q.U. dhe ndodhet jashtë rrezikut për jetën.

Paraprakisht policia thotë se autorët kanë përdorur një armë zjarri të kalibrit të vogël.

Aktualisht grupi hetimor po punon për identifikimin dhe kapjen e autorëve si dhe për sqarimin e plotë të rrethanave të ngjarjes.