Basha “prish” fjalorin nga qëndrimi në çadër, ja fjalët që përdor për kundërshtarët

0

Kryedemokrati Lulzim Basha gjatë ditëve të protestës, e cila vijon prej një muaji, ka ngritur tonet, ka përcjellë mesazhe të ndryshme, por ajo çka është vënë re, ka qenë edhe një fjalor pak ndryshe i përdorur prej tij. Pasi përdori fjalën “Bullshit” nga çadra e protestës për të reaguar ndaj qëndrimit të shprehur nga Federica Mogherini gjatë vizitës së saj në Tiranë, kryedemokrati ka përdorur mbrëmjen e sotme një fjalë tjetër, jo etike.

Në një lidhje live nga çadra e opozitës, në emisionin “Dritare me Rudinën”, i pyetur lidhur me shpenzimet gjatë këtyre ditëve, Basha e krahasoi atë me grevën e PS, duke u shprehur se “ata u palluan në ushqime”.

Pas kësaj, kryedemokrati ka treguar historinë e Çufos që u kap duke vjedhur mollë, dhe kur roja e tërhoqi nga veshi ai u ankua se po i ndalonte qarkullimin e gjakut.

Sakaq, Basha tha se do të nisë një tur diplomatik në SHBA. Ai theksoi se kjo vizitë e tij në Europë dhe SHBA do të jetë në funksion të çadrës dhe kërkesave të tyre.

“Unë kam një program vizitash në Europë dhe Amerikë. Jam i ftuar nga zyrtarë të lartë dhe nga parti simotra. Do të jem në një tur diplomatik. Dhe do njoftoj për çdo gjë dhe do të jap informacione për vizitën. Gjithçka do të jetë në funksion të çadrës”, tha Basha.