Meta: T’i garantojmë brezave të rinj punësim, duket konsensus bipartizan

0

Duke folur në Forumin Ekonomik, mesazhi i kryetarit të kuvendit, Ilir Meta, ka qenë se brezave të rinj duhet t’u garantohet punë. “Para se të flasë politika në rend të ditës, duhet të flasin më parë ekspertët”,- u shpreh Meta.

Kreu i LSI-së deklaroi se për çështje të zhvillimit ekonomik të vendit duhet të ketë konsensus bipartizan. “Nuk ka më kohë për amatorizëm në çështjet që prekin të ardhmen e vendit”,- u shpreh Meta.

Nga ana tjetër ai theksoi rëndësinë se nuk ka kohë për amatorizma, ndërsa ekspertët e çështjes duhet t’i bashkohen nismës për platformën zhvillimore, siç është Forumi Ekonomik. “Çështja e zhvillimit ekonomik të vendit është sfida më e madhe për të sotmen dhe të ardhmen e tij”,- nënvizoi kreu i Kuvndit.

“Çështja e zhvillimit ekonomi të vendit është sfida më e madhe. Duhet të kemi një konsensus bipartizan. Para se të flasin politika, duhet të flasin ekspertët. Nuk ka kohë për amatorizëm. Ndaj, kjo strategji zhvillimi do ketë në foks rininë dhe zhvillimin cilësor. Konkurrueshmëria e ekonomisë sonë duhet forcuar akoma më shumë. Raporti i PB është më i ulti në rajon. Duhet të nxisim më shumë investimet. Bujqësia duhet të trajtohet dhe nga ana buxhetore si sektor i ekonomisë. Tregu vendas duhet të furnizohet nga prodhimi vendas. Për turizmin po punohet në një plan organik për ta kthyer atë në një promotor të fortë dhe për fronte pune. Rritja më e madhe ekonomike do të bëjë të mundur zhvillim në shëndetësi, arsim. Modeli ynë i zhvillimit do mbështetet tek shtresat e pambrojtura. I bëj thirrje të gjithë atyre që të kontribuojnë, t’i bashkëngjiten këtij forumi”, tha Meta.