Përplasja me Blushin, KQZ i hap rrugë LIBRA-s, rrëzohet udhëzimi që i ‘pengonte’ futjen në zgjedhje

Komsioni Qendror i Zgjedhjeve, gjatë mbledhjes së ditës së sotme ka rrëzuar propozimin për regjistrimin e partive politike, nisur nga debati i LIBRA-s së Ben Blushit. 7 anëtarë të KQZ-së votuan pro rrëzimit të propozimit për regjistrimin e partitive politike për zgjedhjet e 18 qershorit.

Një udhëzim që ndryshon rregullat për kandidimin e partive politike në zgjedhjet parlamentare të 18 qershorit, ka krijuar përplasje mes KQZ dhe partisë LIBRA. Udhëzimi i ndryshuar, mes të tjerash, parashikon që partitë politike që nuk zotërojnë mandate në Kuvend, për të garuar në zgjedhjet e reja duhet të mbledhin 5 mijë firma nga zgjedhësit.

Një ditë më parë me një gjuhë të ashpër, kreu i LIBRA-s, Ben Blushi ka akuzuar Komisionin Qendror të Zgjedhjeve se po tenton të nxjerrë partinë e tij jashtë zgjedhjeve të 18 qershorit.

Sipas Blushit, pretendimi i këtij institucioni qëndron tek udhëzim sipas të cilit data referencë e regjistrimit nuk është dita e zgjedhjeve por dita e dorëzimit të listave të deputetëve.