Nëse Rama do ishte publicist, do tallej me Ramën kryeministër

0

Nga Roland Qafoku/Përgjigja e parë që na vjen në mendje, është se do tallej plot qesëndi. Po, përse?Therës, shpotitës, artikulues brilant e deri tallës deri në eshtër. Ai që e ka ndjekur aktivitetin e Edi Ramës si publicist, kur nuk ishte politikan, padyshim duhet ta ketë “vizatuar”pozitivisht profilin e tij. Nuk pajtohej me kërrkënd, nuk para bënte aleanca me politikën dhe e gjente veten në intervista të rralla për llojin e tyre, në analiza plot guxim për kohën në gazetën e tij të dashur të asaj kohe “Koha Jonë”. Dhe tallja me pushtetin, ishte sporti që ai e luante më bukur edhe se basketbolli i rinisë së tij të hershme. Por nëse Rama nuk do të merrte atë vendim, në prill të vitit 1998, për tu futur në politikën shqiptare me synimin për ta ndryshuar atë politikë, ne, sot, do vazhdonim të kishim një analist XXL, që një Zot e di se ç’do ti bënte kësaj qeverie të cilin e drejton po vetë ai. Por ç’do të shkruante Edi Rama, nëse do ishte publicist, për Edi Ramën kryeministër? Përgjigja e parë që na vjen në mendje, është se do tallej plot qesëndi. Po, përse? Ti marrim një e nga një arsyet e mosarsyes së madhe, që po vetë atij ia dobëson aq shumë arsyen.

  1. Nëse Rama do të ishte publicist, do të tallej me Ramën kryeministër, për faktin se, në këto 4 vjet, e nis dhe e ngrys ditën, duke folur non stop në televizor, aq sa, nga Maqedonia, Kim Mehmeti tha se një ditë ai mund të shfaqet edhe kur hapim frigoriferin.
  2. Nëse Rama do ishte publi-cist, do të tallej me Ramën kryeministër, për prurjet e reja në stafin e Rilindjes, të trumbetuara me aq bujë, por që zhgënjyen aq shumë ne, por edhe atë vetë. Vetëm disa muaj në detyrë ministra, deputetë dhe drejtorë, me shumë të ardhme, i largoi butë-butë me arsyen e “një impulsi të ri” që Ramës publicist do ti shkaktonte therje të forta në hije nga të qeshurat.
  3. Nëse Rama do të ishte publicist, do të tallej me Ramën kryeministër për pikën më negative të qeverisë së tij, kanabizimin e vendit. Do të tallej me Ramën kryeministër që bën lojëra shifrash, me demek se është rritur sipërfaqja e mbjellë, por ama është rritur edhe sipërfaqja e korrur nga policia, ndërkohë që lumenjtë e drogës, “Made in Albania”, rrjedhin nëpër Europë dhe vetëm qeveria e Ramës, nuk e di këtë.
  4. Nëse Rama do të ishte publicist, do të tallej me Ramën kryeministër për ekonominë për të cilën premtoi aq shumë në fushatë, por që, tashmë, vetëm Rama kryeministër dhe ministri i tij i Financave, u duket se pas 4 viteve, shqiptarët rrojnë më mirë se sa kur qeveria e tij mori detyrën.
  5. Nëse Rama do të ishte publicist, do të tallej me Ramën kryeministër se si i mban ende në detyrë disa ministra të paaftë, me arsyetimin e numrave dhe andrallave që mund ti sjellë mazho
  6. Nëse Rama do të ishte publicist, do të tallej me Ramën kryeministër kur deklaroi ditën e parë të punës se kabineti i tij do funksiononte si një staf i vetëm dhe jo i parcelizuar. Deklaratat dhe akuzat e Ylli Manjanit dhe të Lefter Kokës, jo vetëm e përgënjeshtruan këtë premtim, por do ti jepnin Edi Ramës publicist një material të mirë për ta talluar Edi Ramën kryeministër.
  7. Nëse Rama do të ishte publi-cist, do tallej me shpurën e servilëve rreth kryeministrit Rama, që i lëpijnë këpucët nga mëngjesi deri në darkë, duke harruar se një ditë, pikërisht, këta lëpirës dhe njerëz ndër më të pështirët e pushtetit të tij, do të jenë edhe autorë të largimit të vetë atij nga ky pushtet.
  8. Nëse Rama do të ishte publi-cist, do të tallej me Ramën kryeministër për emërimet super të gjetura, plot bujë, që ai bëri në dogana dhe tatime. Vetëm 1 vit më vonë, ai i shkarkoi vajzat beqare dhe vizita e tij e beftë dhe ne-rvoze në mjedi-set e drejtorisë së Tatimeve, tre-gonte jo vetëm zhgënjim, por edhe habi me veten, se si kishte arritur deri në atë pikë.
  9. Nëse Rama do të ishte publicist, do të tallej me FRESH-in e Ramës kryeministër dhe kryetar të PS-së, që me gafat e lëshuara nga zonjusha e katapultuar prej tij, e bëri që fjalën FRESH gati ta heqë nga fjalori .
  10. Nëse Rama do të ishte publicist, do të tallej me Ramën kryeministër, për faktin se, sa ishte në opozitë, premtonte se kurrë nuk do të sillte plehra në Shqipëri, por, vetëm pas tre viteve në pushtet, miratoi serbes-serbes, pikërisht, ligjin për importin e mbetjeve ur-bane.
  11. Nëse Rama do të ishte publicist, do të tallej me Ramën kryeministër kur suksesin e kombëtares së futbollit gjatë Europianin 2016, e shfrytëzoi aq shumë në fa-vor të qeverisë, sa gati nuk tha se golin kundër Rumanisë e shënoi vetë ai, por EUFA ia quajti, pa të drejtë, Armando Sadikut.
  12. Nëse Rama do të ishte publicist, do të tallej me Ramën kryeministër teksa për orë të tëra live, jep e shpërndan tapitë e shtëpive të legalizuara, cep më cep të Shqipërisë, duke i marrë të keqen epopesë së kohës “e gëzofsh tokën, o Haki Çobani”.
  13. Nëse Rama do të ishte publicist, do të tallej me Ramën kryeministër për faktin se deklaroi se nuk do dilte nga zyra e kryeministrit pa ndërtuar Rrugën e Arbrit. Kjo mund të ndodhë një ditë, por, ama, vetëm nëse Rama qëndron 20 vjet në atë zyrë.
  14. Nëse Rama do të ishte publicist, do të tallej dhe do të qeshte me lot, me Ramën kryeministër kur, në vitin 2016, një tren në Librazhd, ishte ngjyrosur me lejla, ngjyra zyrtare e logos së Partisë Socialiste.
  15. Nëse Rama do të ishte publicist, do të tallej me Ramën kryeministër për gabimet skandaloze ortografike në shkresat zyrtare, një merak që Rama kryeministër, nuk e realizoi dhe nuk e realizoi dot. Lista mund të ishte edhe më e gjatë. Ndoshta, pjesa e dytë e këtij shkrimi, mund të shkruhet në start të fushatës elektorale, nëse ai vetë do të ndryshojë disa gabime të bëra nga kryeministri Edi Rama, në mënyrë që publicisti Edi Rama, të mos tallet akoma më shumë me të. afp.a.l