VIDEO nga sherri në Kuvend. Noka grusht Braces: I tha bo.. Berishës

2

Tension në Kuvend, ndërsa protagonist i sherrit është bërë deputeti i Partisë demokratike Flamur Noka.

Mësohet se Noka ka hedhur në drejtim të Erjon Braçes, disa letra, ndërsa ky i fundit i është afruar.

Kjo ka shkaktuar debate dhe zhurmë në sallë, ndërsa nënkryetarja e Kuvendit Valentina Leskaj ka kërkuar që Noka të dalë nga Kuvendit dhe më pas ka ndërprerë seancën për 5 minuta, ku pritet qe te kete dhe nje vendim ndaj Nokes, i cili me shume gjase do te pezullohet.

Tensionet erdhen pasi Braçe i ka thënë Berishës ‘bo.’, ndërsa Noka e ka qëlluar me leter.

Ndërkohë që Noka konfliktohej me Braçen, ish-kryeministri Sali Berisha i bërë disa herë thirrje. “Flamur, Flamur”, është dëgjuar Berisha duke folur ndërsa drejtuesja e seancës Valentina Leskaj i ka tërhequr vëmendjen. “Zoti Noka ulu se të nxjerr përjashta. Zoti Noka ulu në vend dhe mos thyej…Zoti Noka liro sallën, dil nga salla e Kuvendit”, ka thënë Leskaj.

Fill pas këtij incidenti, deputetët e PS-së kanë kërkuar që të përjashtohet Noka. Mblidhet Byroja dhe pritet që deputetët e maxhorancës të formalizojnë kërkesën. Ndërkohë që të dyja palët akuzojnë njeri-tjetrit për nxitje të konfliktit.

Më herët Berisha ishte duke replikuar në distancë me ministren Harito, të cilës i kërkoi që mos të ndërhynte dhe të uljen në vend. “Mbylle gojën, mos ndërhy. Ulu aty. Mos ndërhy. Mos ndërhy më. Është dita e qytetarëve. (I drejtohet Haritos)”, tha Berisha.