Champions League tashmë do të luhet edhe në Kosovë, UEFA zgjedh stadiumin

0

Federata e Futbollit e Kosovës (FFK) ka njoftuar se UEFA ka pranuar stadiumin ‘Adem Jashari’ për të zhviluar ndeshjet e Champions Leagues dhe Europa Leagues.

“Pas një angazhimi dhe përpjekjeve të mëdha si dhe me takimet e shumta të presidentit të FFK-së Fadil Vokrri me shumë zyrtarë të UEFA-s, sot në FFK arriti vendimi i KE të UEFA-s, që stadiumi “Adem Jashari” në Mitrovicë i lejohen zhvillimi i ndeshjeve të Ligës së Kampionëve dhe Ligës së Evropës për klubet e Kosovës”, thuhet në njoftimin e FFK-së.

Një delegacion i UEFA-s, do të vijë me 1 mars për të inspektuar nga afër gjendjen aktuale si dhe për të dhënë sugjerimet për përmirësimin e ndonjë të mete. Tash mbetet që MKRS dhe organet tjera relevante të shtetit të Kosovës, që të angazhohen që stadiumi “Adem Jashari” të përgatitet sa më shpejt për këto gara të klubeve të Kosovës.