Albin Kurti: Kosovës i nevojitet ushtria që të mos ketë luftë

Deputeti nga radhët e Lëvizjes Vetëvendosje, Albin Kurti ka thënë para deputetëve të Kuvendit, se Kosovës i nevojitet ushtria që të mos ketë luftë.

“Ushtria është ajo që ta siguron paqen karshi armiqve”, ka thënë Kurti.

Ai gjatë fjalës së tij ka folur edhe për kohën kur UÇK-ja pas përfundimit të luftës u shua dhe në vend të saj u formua TMK-ja e që sipas Kurtit ishte vetëm një plan i Evropës e që e cila u shua pastaj dhe u formuar FSK-ja.

“Prej vitit 2008 na është thënë se FSK është Ushtria e Kosovës. Në vend të TMK-së nuk fituam ushtri por FSK-në”, ka thënë Kurti, transmeton Telegrafi.

Ai ka theksuar se nuk duhet kërkuar nga NATO-ja që të na e bëjë ushtrinë.

“NATO-ja nuk na e bënë ushtrinë, je ti ai që e bënë NATO-n e jo NATO-ja ty”, tha Kurti.

Kurti më pas pyeti se çfarë vendi do të zë UÇK në Forcat e Armatosura të Kosovës dhe se a do të jetë Serbia shtet e forcë armike e FAK-ut apo shtet bashkëpunues sipas marrëveshjeve Thaçi- Mustafa- Vuçiq- Daçiq.

Deputeti i VV-së shtoi se Serbia ka dhjetë fish më të lartë buxhetin për ushtri se sa Kosova, duke theksuar se Kosova është e rrezikuar nga Serbia dhe i duhet domosdoshmërish ta ketë ushtrinë.

/Telegrafi/