Edi Rama me sytë nga bujqësia

Nga Edi Rama.
Në portin e Durrësit ku ka mbërritur flota e re e eskavatorëve që do të vihen në dispozicion të bashkive për ujitjen dhe kullimin e tokave bujqësore

Nga viti 1993, kur është bërë investimi i parë për logjistikën në mbështetje të bujqësisë, deri në vitin 2001, kur ka ndaluar përfundimisht investimi në këtë drejtim, janë sjellë në Shqipëri 56 ekskavatorë te perdorur për bujqësinë, 16 nga të cilët s’kanë punuar asnjë vit të vetëm sepse kanë qenë të stërlodhur.

Gjatë vitit që shkoi, përmes operacionit të madh kombëtar të pastrimit të kanaleve ujitëse e kulluese kemi hequr 3.5 milionë metër kub plehra, dhera, inerte, sedimente, vetëm në harkun e këtij operacioni, duke çuar ujin për herë të parë në 40 mijë hektarë tokë bujqësore pas 25 vitesh. Operacioni Vazhdon.

Sot janë 61 ekskavatorë tërësisht të rinj që bashke me 10 eskavatoret e marrë pak muaj më parë, e çojnë në 71 flotën e re aktuale në dispozicion të bordeve shtetërore të kullimit e të bashkive.

Krahasim shumë i thjeshtë: Në vetëm 2 vjet, 31 ekskavatorë për bujqësinë më shumë sesa në 23 vjet (1990-2013), dhe me kilometra zero.

Kemi ende shumë punë për të bërë në këtë fazë, bashkë me Bashkitë e reja, pasi tani është periudha të përgatisim sezonin e ardhshëm. Ambicia jonë, objektivi ynë që do të realizohet brenda këtij viti është që të mos ketë më, nga Tropoja në Konispol, një parcelë ku uji të mos shkojë dhe ku kullimi të mos jetë i garantuar.