LSI, Endrit Braimllari: Qytetarët nuk kanë nevojë për arrogancë

Pas ministrit të drejtësisë Ylli Manjani në emisionin te Sokol Balla në Top Story tha se kemi ardhur në pushtet me PS, Ben Blushin, por jo me Shpetim Idrizin, ka ardhur me butë dhe me kujdes reagimi i numrit dy të LSI, Endrit Braimllari. Ai ka folur për fushatën e re elektorale, por ka kërkuar përkushtim dhe korrektësi nga ana qeverisë.

Lëvizja Socialiste për Integrim mblodhi në një takim strukturat e saj në Qarkun e Korçës. Të pranishëm ishin edhe Sekretari i Përgjithshëm i Lëvizjes Socialiste për Integrim, Endrit Braimllari i shoqëruar nga Ministri i Bujqësisë, Zhvillimit Rural dhe Administrimit të Ujërave,Edmond Panariti dhe nga deputeti i Qarkut Korçë, Pirro Kapurani.

Gjatë mbledhjes Sekretari i Përgjithshëm i LSI-së Endrit Braimllari duke folur para të pranishmëve e vuri theksin tek organizimi i strukturave të LSI-së në Qarkun e Korçës.

Sipas Braimllarit, një LSI më e organizuar është një siguri për stabilitetin e vendit. Gjithashtu, Sekretari i Përgjithshëm i LSI-së u shpreh se vendi nuk ka nevojë për arrogancë por për punë dhe marrje përgjegjësish për t’u dhënë zgjidhje problemeve të qytetarëve.

ko1

“Ne kemi një ekip të fortë në Korçë, një ekip të organizuar, gjithëpërfshirës, që është pranë çdo qytetari. Ne do vazhdojmë rrugën e strukturimit dhe të hapjes së LSI-së, sepse një LSI më e organizuar është siguri për stabilitetin e vendit. Vendi nuk ka nevojë për arrogancë, por ka nevojë për punë dhe shërbim, për politikanë që marrin përgjegjësi dhe i japin zgjidhje problemeve të qytetarit”, – tha Braimllari.

Ndërkaq, Sekretari i Përgjithshëm i LSI-së theksoi se forca e LSI-së buron te korrektesa, solidariteti dhe energjia pozitive

“Forca e LSI-së buron te korrektesa dhe besnikëria, te solidariteti dhe energjia pozitive. Detyra jonë është të jemi pranë çdo qytetari t’i dëgjojmë dhe t’i shërbejmë, të bashkojmë të gjithë energjitë në shërbim të tyre, sepse aleanca jonë është aleanca me qytetarët”, – deklaroi ndër të tjera z. Endrit Braimllari gjatë fjalës së tij të mbajtur në takimin me strukturat e LSI-së.

Dihet tashmë se PS mbetet duke pritur LSI për firmosjen e koalicionit për zgjedhjet e vitit 2017. Kjo ka sjellë tension në selinë rozë aqsa nuk i mbajnë nervat dhe nxjerrin ndonjë deputet nga PDIU që të sulmojnë LSI.

ko2