Mbante një pistoletë në shtëpi, policia e Tiranës arreston 56 vjeçarin

0

Blutë e Tiranës kanë arrestuar në flagrancë një shtetas, pasi ai mbante në banesën e tij një armë zjarri.

Bëhet fjalë për shtetasin Kujtim Çaushi, 56 vjeç, banues në Tiranë, i cili posedonte një pistoletë, e cila tashmë është sekuestruar në cilësinë e provës materiale.

“Shërbimet e Komisariatit të Policisë Nr 6, kanë arrestuar në flagrancë shtetasin Kujtim Çaushi, 56 vjeç, banues në Tiranë.

Ky shtetas dyshohej se dispononte armë zjarri, ku gjatë kontrollit të ushtruar në pjesën e prapme të banesës së tij, i është gjetur dhe sekuestruar në cilësinë e provës materiale një armë zjarri, pistoletë e tipit “Glock”, me një krehër dhe 13 fishekë”, ben me dije policia.

Materialet proceduriale i’u kaluan Prokurorisë pranë Gjykatës së Shkallës së Parë Tiranë, për veprën penale “Prodhimi dhe mbajtja pa leje e armëve luftarake dhe municionit”.