Dalin pamjet si policia e kapi në rrugë “të fortin” që plagosi 2 vëllezër (Video+Emri)

0

Në videon e publikuar nga policia duket edhe momenti kur i kërkuari ndalohet në rrugë nga policia, teksa ishte brenda një makine. Policët e armatosur i hapin derën me force dhe e detyrojnë të zbresë nga makina për ta shoqëruar më pas në komisariatit.

28-vjeçari lindur dhe banues në Babrru më 22 Maj të vitit 2012-të ka tentuar të vrasë dy vëllezër në rrugën që lidh Babrrunë me zonën e njohur si “Kafja e Rremës”, ndërsa dyshohet se shkak ka qenë mosmarrëveshja për një borxh të pakthyer.

Sipas Policisë, dy vëllezërit, Armando dhe Jetnor Gjypi, kanë qenë duke pirë kafe me të dyshuarin Hergert Çitaku, të cilit i detyroheshin një shumë parash borxh. Pas një debati mes tyre në lidhje me problemin e parave të pakthyera, i dyshuari Çitaku është ngritur nga tavolina dhe ka qëlluar katër herë me pistoletë në drejtim të dy vëllezërve. Çitaku ka qënë disa herë edhe i proceduar për vjedhje.

Prokuroria pranë Gjykatës së Shkallës së Parë Tiranë më datë 07.12.2016, ka dërguar urdhërin për ekzekutimin e vendimit penal të datës 05.12.2016 të Gjykatës së Apelit Tiranë, e cila e ka dënuar me 12 vite burg, për veprat penale “Vrasja me dashje për shkak të cilësive të veçanta të viktimës” dhe “Prodhimi dhe mbajtja pa leje e armëve luftarake dhe e municionit”, parashikuar nga Nenet 79 dhe 278/2 të Kodit Penal.
(ma.ar/BalkanWeb)