BOOM: Tre fshatra të izoluara në Elbasan, shkak ura dhe rruga

0

Tre fshatra në Elbasan, ku jetojnë 2 mijë banorë rrezikojne çdo ditë jetën pasi ndodhen të izoluar nga ndërtimi i autostradës.Firma që ka kryer punimet ka shembur urën dhe nuk ka ndërtuar rrugët dytësore, mbikalime dhe nënkalime që do tu mundësonin banorëve komunikimin me anën tjetër të autostradës ku ndodhet shkolla dhe tokat bujqësore në pronësi të tyre. Ata duhet të kalojnë lumin dhe autostradën mes për mes.Bashkia e Elbasanit fajëson firmën dhe premton ndërtimin e urës.

Janë  rreth 2 mijë banorë të fshatrave Ulëm Shtëmaj  dhe Kozan  të Elbasanit, te cilët  kanë mbetur të izoluar si pasojë e shembjes  se urës.

Për  gjendjen e krijuar, banorët dhe Bashkia e Elbasanit  bëjnë përgjegjëse firmën AKTOR, e cila  për ndërtimin e autostradës Tiranë-Elbasan, ka  marrë pa kriter inerte në shtratin e lumin Kushë, dhe nuk ka ndërtuar rrugët dytësore që lidhin dy anët e autostradës.

Banori: Shkaku i shembjes së kësaj ure ka ardhur fillimisht nga marrja e inerteve.

Banori: Para dy ditësh kishim një të sëmurë aty në lagje, e kemi varë me batanije, e kemi nxjerrë mbi hekura, jashtë të gjitha kushteve. Ndaluam makinat në autostradë për ta dërguar në spital se është në gjendje të rëndë.Raste vdekje akoma më keq.

Banori: U rrëzova një ditë, ju lutem na e zgjidhni këtë problem që kemi, se jemi shumë keq.

Në mungesë të urës, prindërit me fëmijët në krah, detyrohen të kalojnë lumin në këmbë. Me fillimin e reshjeve, nxënësit nuk do të munden të frekuentojnë  shkollën.

Vajza: Kaloj në autostradë, kur fryhet lumi nuk vimë dot në shkollë.

Vajza: Kaloj nëpër gurë, kur ka shumë ujë rri në shtëpi.

Vajza: Kur fryhet lumi ne nuk kalojmë fare, nuk vimë në shkollë. Marrim dy palë këpucë, një palë të kalojmë lumin dhe një palë që të mos mërdhijmë në shkollë.

Gazetarja: Me fillimin e reshjeve mund të ndodhë që shkolla juaj të mbyllet për arsye se asnjë fëmijë nuk do ta frekuentojë më?

Drejtori i shkollës: Ne nuk do të lejojmë kurrë që të kalojnë fëmijët në ujë të turbullt, ose me ujë që nuk kalohet.

Sikur të mos mjaftonte rrënimi i urës, prindërit me fëmijët në krah sfidojnë çdo ditë vdekjen, sepse për të shkuar në shkollë ato duhet të  kalojnë mes për mes autostradës Tiranë-Elbasan, e cila nuk ofron as mbikalim as nënkalim.

E kontaktuar nga emisioni “BOOM”, Bashkia e Elbasanit premtoi se në muajin janar do të fillojë punimet për rikonstruksionin e urës.

Denoncimi i banorëve për mungesën e urës

Banori: Shkaku i shembjes së kësaj ure ka ardhur fillimisht nga marrja e inerteve, ura, lidh disa fshatra Reçëm, Shtëmaj, Kozan, Ulëm, do të kemi mirë, do të kemi keq.Do kemi vdekje, varrezat janë matanë, nuk kemi ku të kalojmë, lumi është shumë i rrezikshëm.

Banori: Nuk mund të dalësh po ra shi, të lidhesh këtej me autostradë, ne kemi mbetur të bllokuar.Kalamajtë në shkollë zbathë do të hyjnë në ujë.Ne do të zhvishemi, jemi izoluar këtu.Kemi mbetur si në ishull.

Banori: Jemi shumë familje që kur vjen lumi me shumë ujë nuk kemi ku kalojmë. Shkolla është këtej, fëmijët vinë nga fshtrat dhe nuk kanë ku kalojnë. Kur ka shi nuk vinë fare në shkollë, kur kemi ndonjë të sëmurë nuk kemi ku kalojmë, jemi të izoluar.

Banori: Jemi dhjetra shtëpi matanë autostradës atje, po luftojmë me rrezikun, me vdekjen, me makinat përditë.Është shumë problem.

Banori: Siç është ura, as në Siri nuk ka bërë vaki kjo kështu. Për fëmijët do hyjnë në lumë që ti çojmë atje.

Banori: Para dy ditësh kishim një të sëmurë aty në lagje, e kemi varë me batanije, e kemi nxjerrë mbi hekura, jashtë të gjitha kushteve. Ndaluam makinat në autostradë për ta dërguar në spital se është në gjendje të rëndë.Raste vdekje akoma më keq. Kalojmë mbi hekura, kemi varrezat diku atje sipër. Vetëm një rrugë e shkurtë lidhëse zgjidh problemin.

Banori: Isha me nipçen në krah, u rrëzova një dite.Nipçja ngeli atje, tre vjeç që e kam. Ju lutemi na zgjidhni këtë problem që kemi, se jemi shumë keq.

Fëmijët ankohen për urën dhe autostradën

Vajza: Shtëpinë e kam matanë autostradës. Kaloj në autostradë, kur fryhet lumi nuk vimë dot në shkolë. Autostradën e kaloj vetëm, kam frikë.

Vajza: Në shkollë më sjell motra, lumin e kaloj nga gurët. Kur ka shumë ujë rri në shtëpi.

Vajza: Kur fryhet lumi ne nuk kalojmë fare, nuk vimë në shkollë. Marrim dy palë këpucë, një palë të kalojmë lumin dhe një palë që të mos mërdhijmë në shkollë.

Djali: Në shkollë vi vetëm, me kalamajtë. Kam frikë kur kaloj tek ura.

Vajza: Ne rrezikojmë të mos vimë në shkollë nëse lumi fryhet, duam sa më shpejt të na ndërtohet një urë e re.

Vajza: Më ka ndodhur të rrëzohem kur kaloj në lumë dhe lagem. Rri gjithë mësimin e lagur dhe sëmurem.

Drejtori i shkollës: Presim veprim nga Bashkia