Rama kthehet nga Majami, viziton banorët e përmbytur në Sukth

Drejtoria e Informacionit në kryeministri njoftoi sot se Edi Rama nga Majami ku ndodhej ka mbërritur në Sukth ku gjendja e përmbytjeve është e rëndë. Sipas zyrës për median, kryeministri Rama është informuar nga Drejtori i Emergjencave Civile dhe banorët mbi punën e kryer dhe masat e marra

“Strukturat e shtetit na ndihmuan”, mësohet se kanë thënë banorët sipas zyrës për shtypin të qeverisë. Ndërkaq kryeministri Rama është shprehur se “është ngritur prej kohesh struktura. Mobilizimi dhe efektiviteti maksimal. Këto fatura janë nga ndërtimet e projektet kuturu”.

“25 milionë dollarë janë dhënë për pastrimin e kanaleve dytësore. Situata e ngarkuar komplekse”, është shprehur Rama. Sipas kryeministrit këto vite ka pasur “sjellje barbare me territorin”. “Hapi i parë i madh është moratoriumi i pyjeve”, është shprehur kryeministri.