Ministria e Jashtme duket e vendosur për të shkarkuar Neritan Cekën si ambasador të Shqipërisë në Romë.Madje, raportohet se tashmë ajo i ka propozuar edhe një emër presidentit Bujar Nishani, për të zëvendësuar Cekën. Ajo është Anila Bitri.
Kjo e fundit është drejtoreshë e Akademisë Diplomatike në Ministrinë e Jashtme. Në vitin 2002, Bitri ka qenë konsulle nderi në Spanjë e më pas ambasadore.
Pra, bëhet fjalë për një emër të njohur në fushën e diplomacisë. Por, me të gjitha gjasat Nishani pritet të refuzojë emrin e saj. Kjo, duke qenë se Nishani nuk ka pranuar që ta shkarkojë Cekën. Sipas Nishanit, Ceka nuk ka bërë asnjë shkelje ligjore dhe nuk i ka përfunduar mandati. Për këtë arsye, Nishani ka argumentuar se nuk ka asnjë motiv që ta shkarkojë Neritan Cekën.
