Si ndikon teknologjia në trurin tonë

1. Fonografët ndryshuan idenë tonë për gjatësinë ideale të këngës
Pjesa më e madhe e këngëve moderne janë afërsisht 4 minuta të gjata. Në fakt, shumica e njerëzve largohen ose mërziten shpejt nga këngë që zgjasin shumë më tepër. Eshtë e lehtë të fajësosh përqëndrimet e shkurtër të vëmendjes të shkaktuar nga epoka e internetit për këtë fenomen, por në fakt ai e ka fillesën në shekullin 19, kur Tomas Edisoni shpiku fonografin e tij të parë. Pajisjet e hershme të rregjistrimit mund të mbanin vetëm katër minuta muzikë, kështu që të gjithë këngët duhej t’i përshtateshin kësaj gjatësie kohore.
Një tjetër efekt anësor i kufizimeve të fonografit ishte shkatërrimi i muzikës klasike si një formë popullore e artit. Këto pjesë muzikore të gjata ishin të papajtueshme me mjetin e ri, kështu që nisën të dalin jashtë mode. Ndërkohë që këngët me kohëzgjatje të shkurtër u shndërruan në normale, shumë njerëz nisën të mërziteshin nga cdo gjë që ishte më e gjatë, kështu që zhanri i muzikës klasike humbi një pjesë të madhe të audiencës.